𝐃𝐢́𝐥𝐢, 𝟎𝟒 𝐌𝐚𝐫𝐬𝐮 𝟐𝟎𝟐𝟔. Diretór DAF BTL, E.P, Sidónio Freitas akompaña hosi Jestora nomos Ofisiál Kontabilidade no Finansa, inklui Auditora Interna BTL, E.P nian, partisipa iha enkontru koordenasaun, iha sala reuniaun Lasama, Ministériu Finansas (MF), Aitarak-Laran, Díli.
Reuniaun ne’e, hodi deskute kona-bá nesesidade ou preparasaun sira, atu realiza formasaun liga ba kontabilidade no relatóriu finanseira ho baze akresimu IFRS nian, ne’ebé tuir planu, sei realiza iha tinan 2026 ne’e.
Formasaun ne’e, bazeia ba planu Governu nian liuhosi Ministériu Finansas ne’ebé sei foku ba asisténsia téknika ba Empreza Públika hotu, iha área kontabilidade no relatóriu nian, ho objetivu atu garante kualidade, transparánsia, neutru no sai baze desizaun hosi relatóriu finanseira anuál ne’ebé empreza públika sira submete anualmente ba Governu.
Fahe ba Sosial Media:
