Díli, 23/10/2023. Vise-Prezidente Komisaun Ezekutiva (KE) Bee Timor-Leste Empreza Públika (BTL, EP) ba Asuntu Tékniku, Sr. José Filipe Ximenes Smith partispa iha Avaliasaun Anuál PNDS Munisípiu Díli Tinan 2024 nian, ne’ebé realiza iha salaun São José, Catedral, Díli. Objetivu hosi atividade ne’e, hodi avalia progresu servisu nomos atu haree obstákulu sira ne’ebé enfrenta iha tinan ida ne’e, hodi bele hadi’a iha futuru.
Iha okaziaun ne’e, Vise-Prezidente KE BTL, E.P ba Asuntu Tékniku fó biban hodi halo abertura ba atividade avaliasaun PNDS nian nomos hato’o intervensaun badak liga ba ezisténsia no papel BTL, E.P nian.
Prezensa BTL, E.P iha avaliasaun anuál ne’e, tanba BTL, E.P hanesan mos parseiru PNDS nian, ne’ebé servisu hamutuk hodi haree ba kestaun bee moos iha Timor-Leste (TL).
Partisipa iha enkontru avaliasaun ne’e, S.E Vise-Ministru Administrasaun Estatál, BTL, E.P rasik, parseiru, Autoridade no Lideransa suku sira nomos funsionáriu PNDS nian.
Fahe ba Sosial Media:
