Díli, 05/04/2024, Diretór Operasaun no Manuntesaun, Aleixo dos Santos ho ekipa, tun ba área zona 1, zona 2 no zona 3, hodi observa direita ba projetu rehabilitasaun estrada, ne’ebé afeta mos ba sistema kanalizasaun bee iha área hirak ne’e.
Prezensa ne’e, atu kordena ho engeñeiru kompañia implementadór sira ba projetu rehabilitasaun estrada, hodi bele muda liña distribuisaun, ba iha parte estrada ninin, atu hetan seguru nafatin, nune’e ba oin atu halo manutensaun ruma, labele kee tan estrada.
Husi koperasaun ne’e, supervaizor sira husi kompañia implementadór kopera tebes, atu bele servisu hamutuk, hodi fo solusaun di’ak ba kestaun ne’e, hodi labele fo impaktu negativu ba komunidade sira, nesesidade loron-loron.
Iha área zona besik Rotunda Prezidente Nicolao Lobato nian ne’e, kordena mosh o komañia no MOP, hodi bele kruza estrada, nune’e bele fornese bee ba komunidade sira, iha área Rai Kotu no Tasi-Tolu.
Ohin mos ekipa konsege ba observa estasaun bomba iha Fomento II nian, mais ou menus iha meudia, joven ida, tama ba aredor estasaun bomba refere, hodi lori Ventuña tuda ba pessoal operadór eskavatór no konsege estraga mmos funsionáriu BTL, E.P nia motorizada rahun iha parte oin. ho asaun tentativa ne’e, ekipa kontaktu ba autoridade seguransa PNTL esquadra Dom Aleixo, hodi tun ba área refere, hodi kaptura suspeitu no vitima, transporta eskuadra, hodi sujeita ba prosesu investigasaun.
Alende ne’e mos ema deskoñesidu tuda vidru edifísiu estasaun Bomba iha parte Comoro nian, ne’ebé rezulta vidru rahun, ekipa halo ona levantamentu, hodi bele relata mos ba iha Autoridade lokál, liu-liu ba Xefe Suku Comoro.
Iha biban ne’e, ekipa mos konsege haka tba iha Estasaun Bomba Kuluhun, ne’ebé ekipa tékniku operadór no kompañia H2O fase ka hamoos, hodi installa hikas fali ona, ne’ebé Bomba dadaun ne’e hala’o operasaun hikas, hodi kontinua fornese bee ba abitante sira iha área Kuluhun.
Fahe ba Sosial Media:
