Bobonaro, 17/11/2022, Diretór Diresaun Operasaun no Manutensaun (DOM), Bee Timor-Leste, Empreza Públika (BTL, E.P) akompaña hosi tékniku O&M no BTL, E.P munisípiu Bobonaro, hala’o vizita ba kaptasaun no bee matan Beremau, ne’ebé lokaliza iha suku Pip Galag, iha postu-adminnistrativu Maliana, munisípiu Bobonaro.
Objetivu hosi vizita ne’e, hodi observa direta kondisaun kaptasaun no bee matan Beremau, atu nune’e bele tau iha planu hodi halo manutensaun ba bee matan refere no aumenta tan tanke filtrasaun, nune’e hodi halo tratamentu ba bee molok distribui bee ba tanke distribuisaun iha suku Tas, P.A Maliana, hafoin mak bele fornese ba komunidade sira.
Tuir informasaun katak antes ne’e, wainhira iha tempu udan, bee sempre merak no kontamina ho bee foer balun, tamba ne’e prejudika fornesimentu bee ba konsumidór sira, ho nune’e mak ekipa nasionál tun direta ba terrenu hodi haree kondisaun ne’e hodi tau iha planu, atu bele hadi’a, hodi garante abastesimentu bee ba komunidade sira, iha Maliana.
Durante iha vizita ne’e, ekipa BTL, E.P mos identifika lutu ou moru protesaun iha tanke distribuisaun Moduklaun ho kondisaun ne’e aat, tamba ne’e ekipa BTL, E.P foti ona dadus no iha tempu badak sei hadi’a estragus refere, nune’e hodi Evita ema labele asesu livre ba tanke distribuisaun ne’e.
Fahe ba Sosial Media:
