Viqueque, 16/11/2022, Ekipa Bee Timor-Leste, Empreza Públika (BTL, E.P) munisípiu Viqueque kompostu hosi Tékniku Operadór (T.O) hamutuk ho traballadór Mão de Obra (MdO), halo manutensaun ba kanu distribuisaun bee NOD 110mm ne’ebé kotu, iha Zona Beloi, suku Caraubalo, postu-administrativu Viqueque Villa, munisípiu Viqueque.
Tuir informasaun hosi terrenu katak, kanu distribuisaun bee ne’ebé kotu ne’e, kauza hosi alargamentu estrada nasionál diresaun munisípiu Viqueque ba Baucau.
Alende ne’e, ho estragus ne’e, difikulta komunidade balun susar asesu ba bee moos no Zona balun provizoriamente bee la’o tarde, maibé hafoin identifikasaun ba problema ne’e, tékniku operadór hamutuk ho traballadór MdO sira, halo kedas intervensaun ba kestaun ne’e, hodi garante abastesimentu bee ba konsumidór sira.
Hafoin ekipa téknika halo manutensaun, sirkulasaun bee hosi liña distribuisaun ne’e la’o normál no bele fornese hikas bee ba komunidade sira ne’ebé durante ne’e asesu bee hosi kanu distribuisaun refere.
Fahe ba Sosial Media:
