Manufahi, 14/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manufahi halo manutensaun ba kanu distribuisaun bee ne’ebé tohar, iha aldeia Turon, suku Banulo, postu-administrativu Same, munisípiu Manufahi.
Koordenadór BTL, E.P munisípiu Manufahi informa, kanu distribuisaun bee ne’ebé tohar ne’e, kauza hosi udan boot no rai halai iha fatin refere, hodi rezulta liña distribuisaun tohar, nune’e afeta direta ba fornesimentu bee moos ba komunidade sira.
Hafoin identifika, Koordenadór orienta kedas tékniku operadór sira tun ba terrenu, hodi halo manutensaun ba estragus refere, hodi garante abastesimentu bee ba komunidade sira iha fatin ne’e.
Hafoin manutensaun, tékniku sira koko loke bee hodi distribui hosi kanu ne’e no bee la sulin ou la sai ona hosi kanu refere, nune’e konsumidór sira ne’ebé durante ne’e asesu bee hosi kanu distribuisaun ne’e bele asesu hikas bee moos.
Fahe ba Sosial Media:
