Manufahi, 16/11/2022, Ekipa Bee Timor-Leste, Empreza Públika (BTL, E.P) munisípiu Manufahi Tékniku Operadór (T.O) hadi’a liña bee ne’ebé liga ba komunidade nia uma, iha aldeia Rialau, suku Letefoho, postu-administrativu Same, munisípiu Manufahi.
Tuir informasaun hosi terrenu katak, bee la sai tamba tékniku sira identifika kanu refere intupidu, nune’e prejudika bee la to’o ba iha konsumidór sira-nia hela fatin, nune’e tékniku operadór sira mobiliza kedas materiál hanesan kompresór anin, hodi huu hasai foer iha kanu laran.
Hafoin tékniku sira hasai foer hosi kanu ne’e, T.O sira koko kedas loke bee, hodi hodi haree kondisaun kanu refere, maibé hafoin loke sirkulasaun bee liuhosi liña ne’e la’o normál fila-fali no kliente sira mos bele asesu hikas bee moos.
Fahe ba Sosial Media:
