Manufahi, 13/10/2022, Atu garante fornesimentu bee ba konsumidór sira, Tékniku Operadór (T.O) Bee Timor-Leste, Empreza Públika (BTL, E.P) munisípiu Manufahi hamutuk ho traballadór Mão de Obra la’o ain tuir instalasaun liña distribuisaun hodi observa direta no identifika kanu distribuisaun DN 80 sai hosi hosi klem nomos ku’ak, nune’e bee sulin estraga iha fatin ne’e, hodi difikulta fornesimentu bee ba komunidade sira, iha aldeia Rai-Merak, suku Babulu, postu-administrativu Same, munisípiu Manufahi.
Hafoin identifikasaun ba estragu refere, tékniku operadór ho traballadór sira halo kedas intervensaun, hodi hadi’a ou normaliza kanu distribuisaun refere.
Alende normaliza tiha kanu distribuisaun ne’e, ekipa konjunta ne’e (T.O no traballadór Mão de Obra) kontinua halo manutensaun ba kanu distribuisaun seluk ne’ebé ku’ak, iha Aldeia Rai-Merak, suku Babulu, nune’e bele garante fornesimentu bee ba konsumidor iha suku ne’e.
Fahe ba Sosial Media:
