Manatuto, 11/10/2022, Tékniku Operadór (T.O) Bee Timor-Leste, Empreza Públika (BTL, E.P), munisípiu Manatuto halo ligasaun bee ba Akampamentu F-FDTL nian, ne’ebé lokaliza iha aldeia Inkero, suku Aiteas, postu-administrativu Manatuto Villa, munisípiu Manatuto.
Atividade ne’e liga bee ba iha fatin refere, hodi prepara ba komemorasaun ba loron 28 de Novembro (Proklamasaun Independénsia Timor-Leste) nian ne’ebé tuir ajenda sei realiza iha munisípiu Manatuto, tamba ne’e tékniku BTL, E.P nian háhu servisu hodi garante bee iha eventu nasionál refere.
Hafoin finaliza atividade ne’e, tékniku operadór no apoiu kliente kontinua lee metru kontadór bee ne’ebé instala ona iha kliente sira-nia uma, iha área Zona 5, Manatuto Villa no informa hikas ba kliente sira hodi ba halo pagamentu iha edifísiu BTL, E.P nian ho presu ne’ebé tuir nesesidade ba uzu bee lor-loron nian.
Fahe ba Sosial Media:
