Díli, 04/04/2024, Diretór Enjeñaria no Investimentu (DEI) Bee Timor-Leste, Empreza Públika (BTL, E.P) akompaña hosi Jestór Peskiza & GIS enkontru ho Environmental and Social Specialist hosi MCC, Tom Schehl ho Specialist Water and Sanitation MCA TL, IP nian, iha sala reuniaun, edifísiu sentrál BTL, E.P, Caicoli.
Objetivu hodi reuniaun ne’e, Environmental and Social Specialist MCC nian hakarak atu hatene oinsá prosesu libertasaun rai, uma no aihoris hirak ne’ebé afeta direta hosi projetu konstrusaun Sentru Jestaun Bee Fo'er no Produsaun Sodium Hypochlorite ba Tratamentu Bee Fo'er nian. Nomos hakarak hatene no haree dokumentu sira kona-bá prosesu negosiasaun nian ho komunidade afetada sira inklui oinsá nia prosesu ba oin, molok nia halo revizaun ba Resettlement Action Plan (RAP).
Ho nune’e, Diretór DEI BTL, E.P esplika ba Environmental and Social Specialist MCC nian kona-bá prosesu tomak liga ba negosiasaun nian ne’ebé durante ne’e BTL, E.P hamutuk ho ekipa GTI realiza ona. No faze negosiasaun ne’e rasik finaliza ona no daudaun ne’e prepara hela proposta hodi bá aprezenta iha Konsellu Ministrus (KM), atu bele foti desizaun.
Fahe ba Sosial Media:
