Lautém, 02/08/2022, Ekipa Bee Timor-Leste, Empreza Públika (BTL, E.P) munisípiu Lautém hamutuk ho kompañia H2O, akompaña mos hosi Administradór postu-administrativu Luro no autorisdade suku Afabulo, iha loron 1 fulan setembru tinan ne’e, hala’o vizita ba fatin ne’ebé infika ona hodi halo perfurasaun ba bee moos, iha munisípiu Lautém.
Objetivu hosi vizita ne’e, hodi observa direta fatin perfurasaun refere, alende ne’e, halo mos konsolidasaun ho autoridade postu no líder komunitária suku, hodi garante estabilidade kultura no problema ruma kona-bá rai ou fatin ne’ebé hodi halo perfurasaun ne’e. Tamba projetu perfurasaun ne’e rasik, hodi dezenvolve sustentabilizasaun bee moos ba komunidade sira, iha suku Afabulo.
Molok tun ba terrenu hodi halo observasaun ba fatin ne’e, Ekipa BTL, E.P Lautém ho ekipa sira hosi kompañia H2O hala’o uluk enkontru ho Administradór postu-administrativu Luro no autorisdade suku Afabulo nian, Durante iha enkontru ne’e, Autoridade postu no lideransa suku sira apresia no promote sei la akontese problema ruma kona-bá rai no kultura, wainhira mosu problema ruma kona-bá rai no kultura, sira prontu atu rezolve.
Koordenadór BTL E.P Lautém informa, Autoridade postu no lideransa suku sira hein no sei koopera, wainhira obra ba projetu perfurasaun bee moos ne’e hahú.
Fahe ba Sosial Media:
