Lautém, 09/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Lautém hamutuk ho traballadór Mão de Obra (MdO), instala metru kontadór unidade 10 ba kliente uma kain 10, iha aldeia 30 de Agosto, suku Fuiloro, postu-administrativu Lospalos, munisípiu Lautém.
Koordenadór BTL, E.P Lautém informa, tékniku ho traballadór sira halo instalasaun metru kontadór ba komunidade sira-nia hela fatin, tamba antes ne’e, konsumidór hirak ne’e rejista no halo pagamentu, hodi sai kliente BTL, E.P nian nomos bele asesu kanalizasaun bee hosi BTL, E.P.
Alende ne’e, ho instalasaun metru kontadór hirak ne’e, hodi bele halo kontrolu ba utilizasaun bee lor-loron nian, nune’e labele estraga bee, atu nune’e bee bele sufisiente ba ema hotu.
Iha sorin seluk, ho instalasaun metru kontadór ne’e, kliente sira bele kontribui reseitas ba kofre Estadu, no taxa hirak ne’e mos, atu utiliza hodi sustenta ba atividade manutensaun sistema bee moos nian.
Tuir informasaun hosi BTL, E.P Lautém katak, semana ida ne’e, instala metru kontadór unidade 16 ba komunidade sira-nia uma, nune’e durante konsege instala ona metru kontadór unidade 324 ba kliente sira, entretantu BTL, E.P Lautém rejista kliente sira ne’ebé asesu ona kanalizasaun sistema bee hosi BTL, E.P hamutuk uma kain 1222.
Fahe ba Sosial Media:
