Díli, 11/04/2023. Vise-Prezidente Komisaun Ezekutiva ba Asuntu Sistema Bee, Saneamentu no Drenajen, Bee Timor-Leste, Empreza Públika (BTL, E.P), Sr. Gustavo da Cruz, hamutuk ho Vise-Prezidente Komisaun Ezekutiva ba Asuntu Boa Governasaun no Fortalesimentu Institusionál, Sra. Elizabeth Amaral enkontru ho ekipa hosi empreza Itron, kona-bá projetu pilotu sistema Automatic Meter Reading-AMR. Enkontru ne’e, realiza iha sala reuniaun Ezekutivu, edifísiu sentrál BTL, E.P, Caicoli.
Objetivu hosi reuniaun ne’e, ekipa hosi empreza Itron mai hato’o sira nia inisiativa ou proposta atu apoiu mai BTL, E.P liuhosi oferese sistema Automatic Meter Reading-AMR ou Leitura Automátika ba Metru Kontadór bee nian.
Hafoin ekipa Itron hato’o tiha proposta apoia ne’e, parte BTL, E.P rasik apresia, nakloke no simu ho laran lu’ak ba apoiu ne’ebé parseiru sira sei oferese. No tuir planu empreza Itron sei oferese Automatic Meter Reading-AMR 100 mai BTL, E.P. Tanba ne’e, iha tempu badak, parte rua sei ofisializa liuhosi asina Memorandum of Understanding-MoU ida, nune’e bele estabelese ona projetu pilotu refere.
Enkuantu sistema Automatic Meter Reading-AMR ne’ebé sei oferese hosi empreza Itron ne’e, sei ajuda no hafasil Leitór/tékniku sira hodi lee metru kontadór ho automátikamente liuhosi smartphone. Tuir planu, projetu pilotu ne’e sei implementa iha kapitál Díli.
Fahe ba Sosial Media:
