Díli, 14/01/2025, Prezidente Komisaun Ezekutiva BTL, E.P, Sr. Gustavo da Cruz, akompaña PMU BTL, E.P/MOP, hala’o reuniaun ho Ministériu Finanças no Komisaun Nasionál Aprovizionamentu (Sigla Portugés CNA), ne’ebé realiza iha Salaun Ministériu Finanças, Ai-Tarak Laran.
Objetivu prinsipal hosi enkontru ne’e, BTL, E.P, Ministériu Finanças no Komisaun Nasionál Aprovizionamentu no entidade relevante sira, ne’ebé durante ne’e servisu, atu implementa projetu iha Kapitál Munisípiu Lautém no Manufahi.
Relasiona ho projetu melloramentu ba fornesimentu sistema bee moos, ne’ebé sei implementa ba munisípiu rua ne’e, aprova ona hosi konsellu Ministru, hodi kontinua haka tba faze tuir mai.
Iha enkontru ne’e, Diretór Jerál Ministériu Finanças, bele rona atualizasaun informasaun liga ba prosesu projetu melloramentu ba fornesimentu bee moos durante ne’e. Hafoin parte Ministériu Finanças rona informasaun ne’e, sei elobora didi’ak parte hotu, hodi hala’o enkontru ho ADB, liga ho orsamentu emprestimu, hodi finansia ba investimentu iha kapitál Lautém no Manufahi ne’e.
Ekipa ne’e sei kontinua enkontru iha semana oin, hodi atualiza prosesu sira hotu, nune’e entrega ba CNA hodi kontinua prosesa faze tenderizasaun.
Fahe ba Sosial Media:
