Díli, 08/03/2024. Estrutura BTL, E.P hamutuk ho funsionáriu sira, hato’o Parabéns no Ksolok Loron Mundiál Feto nian, ne’ebé monu iha loron 08 fulan Marsu
Komemorasaun ba Loron Mundiál Feto nian ne’e, hanesan oportunu esensiál ida, hodi fó hanoin ba ema hotu-hotu, oinsá bele respeita, kuida no nafatin luta ba igualdade jéneru halakon diskriminasaun ho forma oin-oin hasoru feto no labarik feto iha Timor-Leste, liu-liu ba feto maluk no labarik feto sira ne’ebé ho kondisaun vulnerável inklui ema ho difisiénsia.
Komemorasaun loron feto internasionál ba tinan ida ne’e, ho tema “Investe iha Feto hodi Aselera Progresu”. Atu refleta ba tema jerál ne’e, BTL, E.P foti kuota ida ne’ebé dehan katak “Laiha Limitasaun ba Feto Tanba De’it Ema Seluk La Aseita Feto Bele Halo Servisu Seluk Hanesan ho Mane iha Fatin no Área Saida De’it”.
Alende ne’e, iha loron espesial ida ne'e mos, BTL, E.P hakarak kongratula nia funsionária sira ne'ebé diretamente involve-aan iha servisu fíziku sira iha terrenu, liu-liu iha área operasionál no manutensaun nian nomos parte kooperativa.
Relasiona ho komemorasaun Loron Mundiál Feto nian ne’e, BTL, E.P mos halo kontribuisaun ba atividade asaun karidade ba Orfanatu rua iha munisípiu Liquiça nomos hola parte iha workshop ne’ebé organiza hosi Ministériu Obras Públika (MOP).
Fahe ba Sosial Media:
