Liquiça, 14/10/2022, Diretór Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P) ho ekipa hamutuk ho Diretór Ezekutivu Nasionál Compact Development (CDT-TL) ho ekipa nomos ekipa tékniku hosi Ministériu Administrasaun Estatál (MAE), Reprezentante Ministru Obras Públikas (MOP), Asesór Legál MOP, hala'o vizita ba Estasaun Tratamentu Água Reziduál (ETAR) Tibar (Tibar Landfill), iha munisípiu Liquiça. No ETAR Tibar ne'e dezignadu iha futuru sei sai hanesan fatin ikus hodi soe lixu Bio sólidu hosi Sistema Tratamentu Bee Foer nian iha Bebonuk, munisípiu Díli.
Objetivu hosi vizita ne'e, hodi haree besik liu fatin ne'e viável ou lae no tuir duni rekezitu kalae, hodi utiliza hanesan fatin ikus atu bele soe tahu ten ou Bio sólidu.
Tuir estudu hosi Konsultór TETRATEC katak, fatin refere viável duni hodi uza ba soe ou fakar tahu ten ou Bio sólidu ne'ebé halo ona tratamentu iha Bebonuk nian no Konsultór sira konsidera tahu ten ne'e mos sei bele uza hanesan adubu ba agríkola nian.
Enkuantu, medida rai ne'ebé utiliza ba ETAR ne'e hamutuk hektares 32, hosi medida rai ne'e, tuir planu MCC sei presiza de'it pursentu 15 (15%).
Entretantu, daudaun ne'e, kompañia Hardware mak sei jere hela fatin ne'e, liuhosi kontratu entre MAE ho kompañia refere no sira mos prontu atu koopera ou servisu hamutuk, maibé sira presiza dadus balun hosi CDTL-TL, atu bele fasilita sira hodi halo análize kle'an kona-bá fatin ne'ebé sei presiza atu utiliza.
Alende ne'e, parte CDTL-TL mos esplika kona-bá implementasaun projetu refere, iha tinan 2024 no sei hahú utiliza fatin ne'e, iha tinan 2026.
Fahe ba Sosial Media:
