Lautém, 22/04/2025. Ekipa Bee Timor-Leste, Empreza Públika (BTL, E.P) kompostu hosi Nasionál no munisípiu Lautém ohin, hahú halo ona pagamentu ka selu ona indemnizasaun ba komunidade sira-nia aihoris ne'ebé afeta direta ba projetu melloramentu sistema fornesimentu bee moos, iha munisípiu Lautém.
Tékniku Administrasaun no Finansas BTL, E.P informa, BTL, E.P selu ona indemnizasaun ba komunidade uma kain lima ne'ebé sira-nia aihoris mak afeta ba projetu melloramentu sistema bee moos, iha munisípiu Lautém, ho totál kustu ba indemnizasaun nian mak Rihun $2-resin ($2.055). Iha prosesu pagamentu ne'e, la'o ho di'ak no komunidade afetada sira koopera di'ak tebes no sira agradese, tanba ohin, sira bele hetan ou simu ona indemnizasaun hosi BTL, E.P ligadu ho sira-nia aihoris ne'ebé afeta ba projetu bee moos nian.
Enkuantu, tuir planu, projetu melloramentu sistema fornesimentu bee moos ne'e, sei implementa iha munisípiu Lautém, iha tinan ne'e.
Fahe ba Sosial Media:
