Dili,24/03/2026.Vise-Prezidente Komisaun Ezekutiva (KE) BTL, E.P ba Asuntu Tékniku, José Filipe, akompanha Diretór Operasaun no Manutensaun, Aleixo dos Santos, halo observasaun ba DOP kanu distribuisaun ho medida 90 milí ne’ebe komunidade balun sobu estraga iha Becusi Centru.
Observasaun mostra katak parte komunidade sira seidauk iha konsiensia hodi sobu rahun ba sistema instalasaun kanu distribuisaun bee ne’ebe ekipa tekniku BTL, E.P instala ona iha fatin ne’e.
Ekipa Tekniku BTL.E.P instala kanu distribuisaun iha area Becusi ne’e laos paradu maibe ekipa sira sei kontinua instala kanu distribuisaun to’o iha area Igreja Becora,hodi fornese bee ba komunidade sira iha area referida tanba ne’e husu Autoridade lokal no komunidade sira atu pasiensia hodi kopera ho ekipa BTL,E.P nune servisu instalasaun kanu distribuisaun iha area ne’e bele finaliza lalais hodi bele fornese bee ba komunidade sira iha area ne’e.
Ligadu ho situasaun ne’e, Vise-Prezidente Asuntu Tékniku ho Diretór DOM tun hasoru Autoridade Lokal hodi kordena oinsa bele kontrola no fo atensaun ba komunidade sira iha fatin ne’e atu labele estraga fasilidade publiku ne’ebe BTL,E.P instala iha fatin ne’e.
Durante halo atividade observasaun ne’e Vise-Prezidente mós orienta ekipa tekniku BTL, E.P atu sobu ligasaun kanu illegal sira iha fatin ne’e atu bele tau fali ligasaun foun no instala mós metru kontadór ba konsumidór sira.iha Area Becusi,hodi garante komunidade bele asesu bee ho diak no justu.
Alen de ne’e Vise-Prezidente Asuntu Tékniku ho Diretór DOM kontinua observa mos kanu distribuisaun iha area Taibesi.
Depois halo observasaun iha Taibesi kontinua vizita Armajen BTL E.P hodi halo kordenasaun servisu ho Ekipa tekniku sira atu halo intervensaun rapida ba DOP kanu distribuisaun ne’ebe komunidade sira estraga iha area Becusi nian.
Fahe ba Sosial Media:
