Manatuto, 01/12/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manatuto halo melloramentu ba kanu distribuisaun bee, iha Zona 5 ne’ebé lokaliza iha suku Aiteas, postu-administrativu Manatuto Villa, munisípiu Manatuto.
Tuir informasaun hosi Terrenu katak, tékniku sira halo melloramentu ba liña distribuisaun ne’e, tanba presaun bee kiik, hodi prejudika distribuisaun bee, tanba bee ba komunidade sira kiik, nune’e atividade ne’e, hodi garante abitante hotu bele asesu bee hanesan.
Koordenadór BTL, E.P Manatuto informa, iha atividade melloramentu ne’e, tékniku sira monta válvula, nune’e bele halo kontrolu ba sistema bee, hodi fahe bee hanesan ba konsumidór sira tuir oráriu distribuisaun ne’ebé mak eziste. Hafoin melloramentu presaun bee di’ak no bele fornese hikas ba komunidade sira.
Alende ne’e iha loron hanesan, tékniku operadór sira halo survey ba fatin foun iha área Madeba, suku Aiteas, Manatuto Villa ne’ebé seidauk asesu ba bee moos, tanba ne’e ohin tékniku sira hahú halo survey, nune’e hodi kanaliza bee ba komunidade sira ne’ebé hela iha área refere.
Fahe ba Sosial Media:
