Manatuto, 03/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Manatuto hamutuk traballadór Mão de Obra normaliza kanu distribuisaun bee, iha Zona Carlilu ne’ebé lokaliza iha suku Aiteas, postu-administrativu Manatuto Villa, munisípiu Manatuto.
Tuir informasaun hosi Terrenu katak, kanu distribuisaun bee ne’ebé estragu ne’e deskonfia ema deskoñesidu mak fura, nune’e halo bee sulin estraga iha fatin refere, maibé tékniku sira identifika no halo kedas intervensaun hodi normaliza liña distribuisaun ne’e, hodi garante fornesimentu bee ba komunidade sira ne’ebé asesu bee hosi kanu distribuisaun refere.
Hafoin normaliza tiha kanu estragus ne’e, sirkulasaun bee liuhosi liña distribuisaun refere la’o di’ak no bele distribui hikas bee ba komunidade sira iha suku Aiteas.
BTL, E.P mos nafatin husu ba komunidade sira atu koopera, hodi labele estraga sistema bee hirak ne’ebé instala ona iha aldeia no suku sira, nune’e labele prejudika ema seluk atu asesu ba bee moos
Fahe ba Sosial Media:
