Liquiça, 09/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Liquiça hamutuk ho traballadór Mão de Obra (MdO) halo manutensaun ba intake Rae Sape nomos kanu transmisaun bee, iha munisípiu Liquiça.
Koordenadór BTL, E.P Liquiça informa, ekipa rua (T.O BTL, E.P no MdO), halo manutensaun ba kanu transmisaun bee ne’e, tamba kanu hirak ne’e mota lori, hafoin akontese udan loron 08 fulan novembru ne’e (horseik), iha Liquiça.
Tuir informasaun hosi BTL, E.P munisípiu Liquiça katak, ho estragus ne’e, afeta direta ba fornesimentu bee moos ba komunidade kuaze uma kain 70 instituisaun Estadu mak labele asesu ba bee.
Hafoin identifikasaun ba estragus refere, Koordenadór orienta tékniku operadór hamutuk ho trabaladór sira, tun kedas ba terrenu no daudaun ne’e, ekipa rua ne’e sei nafatin iha terrenu, hodi halo reparasaun ba estragus hirak ne’e, nune’e bele garante fornesimentu bee ba komunidade sira.
Koordenadór BTL, E.P Liquça akresenta, hafoin reparasaun, sirkulasaun la’o di’ak no tékniku sira enxe fila-fali bee ba rezervatóriu, maibé aban mak foin bele distribui hikas bee ba komunidade sira ne’ebé hela iha aldeia Nartutu, suku Maumeta, postu-administrativu Bazartete.
Fahe ba Sosial Media:
