Viqueque, 28/10/2022, Tékniku Operadór (T.O) hosi O&M, Bee Timor-Leste, Empreza Públika (BTL, E.P) hamutuk ho traballadór Mão de Obra (MdO), halo manutensaun ba kanu distribuisaun bee DN 50mm, iha Zona Olobai, suku Caraubalo, postu-administrativu Viqueque, munisípiu Viqueque.
Tuir informasaun hosi BTL, E.P Viqueque katak, kanu distribuisaun bee DN 50mm ne’ebé tékniku sira hadi’a ne’e nakfera, iha parte junsaun móvel nian, tamba kanu refere tuan ou antigu ona, nune’e labela auguenta ho presaun bee makaas, tamba ne’e ikus mai tenke nakfera. Durante estragus ne’e, komunidade sira ne’ebé asesu bee hosi liña distribuisaun refere, labele asesu ba bee moos.
Hafoin identifika, tékniku operadór hamutuk ho traballadór Mão de Obra sira halo kedas intervensaun, hodi hadi’a hikas kanu refere. Hafoin manutensaun, daudaun ne’e kanu refere bele distribui hikas bee ba komunidade sira ne’ebé durante ne’e asesu bee hosi liña distribuisaun ne’e.
Fahe ba Sosial Media:
