Díli, 27/01/2025, Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P) ba Asuntu Tékniku, Sr. José Filipe Ximenes Smith, akompaña hosi Jestór Infraestrutura ho Enjiñeiru sira, halo aproximasaun ho liderasaun komunitária suku Bemori, iha sede suku Bemori.
Objetivu hosi aproximasaun ne’e, hodi ko’alia kona-bá planu perfurasaun bee foun iha Bemori, hodi reforsa sistema ezistente, atu nune’e hodi fornese bee ba populasaun sira.
Hafoin rona tiha informasaun ne'e, xefe suku Bemori apresia no aseita planu ba perfurasaun bee iha suku refere, nune’e ekipa kontinua observa kedas fatin ne’ebé atu halo perfurasaun, iha resintu sede suku Bemori nian. Maibé, espasu ne’e kiik, nune’e la sufisiente atu akumula ekipamentu no halo perfurasaun.
Tanba ne’e, Xefe suku Bemori no lia na’in promete sei aproxima no ko’alia ho abitante sira, hodi haree fatin seluk iha área Bemori nian ne'ebé mak viável hodi halo perfurasaun, hafoin sei informa fila-fali mai BTL, E.P hodi bá halo observasaun.
Fahe ba Sosial Media:
