Díli, 13/10/2022, Diretór Diresaun Enjeñaria no Investimentu (D.E.I) Bee Timor-Leste, Empreza Públika (BTL, E.P) Sr. Aleixo dos Santos akompaña hosi Jestór ba Peskiza, Projetu no GIZ no Jestór Kontrolu Kualidade no Ambiente, hala’o enkontru ho tékniku sira hosi Ministériu Administrasaun Estatál (MAE) no Compact Development Team, Timor-Leste (CDT-TL) hodi halo koordenasaun servisu kona-bá projetu Bee, Sanemamentu no Drenajen inklui Sistema Tratamentu Bee Foer, ne’ebé finansia hosi Millennium Challenge Corporation (MCC) no Governu Timor-Leste (GoTL). Enkontru ne’e rasik, realiza iha salaun enkontru gabinete MAE, Caicoli.
Objetivu hosi enkontru ne’e, mak tékniku sira hosi BTL, E.P introduz ou esplika ba tékniku sira hosi MAE no CDTL-TL nian, kona-ba centralized WWTP iha Bebonuk no produtu BIO-SOLID ne’ebé tuir planu sei lori ba future Sanitary Landfill Tibar (atual lixeira Tibar, ne’ebé MAE no munisipíu Dili mak halo jestaun.
Tuir planu (aban) loron 14 fulan outubru tinan ne’e, tékniku BTL, E.P hamutuk ho CDT-TL, sei lori tékniku sira hosi MAE hodi bá hala’o site visit iha fatin Future Sanitary Landfill iha Tibar, molok halo parser téknika ba S.E Ministru MAE kona-bá resepsaun BIO-SOLID iha Future Sanitary Landfill Tibar
Fahe ba Sosial Media:
