Díli, 28/09/2022. I Vise-Prezidente Komisaun Ezekutiva (K.E) Bee Timor-Leste, Empreza Públika (BTL, E.P), Sr. Gustavo da Cruz, akompaña mós husi II Vise-Prezidente Komisaun Ezekutiva BTL, E.P Sra. Elizabeth Amaral hala’o enkontru ho Japan International Cooperation Agency (JICA) inklui ekipa husi Diresaun Operasaun no Manutensaun (D.O.M) BTL, E.P. Enkontru ne’e rasik hala’o iha salaun enkontru BTL, E.P, Caicoli.
Ekipa Departamentu Apoia Cliente (DAC-sigla portugés), ne’ebé tuleta ba diresaun administrasaun no finansas ( DAF ), maka durante ne’e servisu hamutuk ho parseiru JICA, hodi hala’o servisu ba Operasaun no Manutensaun no mós ba servisu apoia kliente nian.
Objetivu husi enkontru ne’e, mak ekipa D.O.M-BTL,E.P, hamutuk ho parseiru JICA, relata progresu servisu ne’ebé maka durante ne’e hala’o ona ba ezekutiva sira.
Rona tiha informasaun hosi ekipa sira, Ezekutivu husu ba ekipa Operasaun no Manutensaun, inklui Departamentu Apoia Kliente, atu kontinua halo servisu ho estratéjia ne’ebé di’ak, nune’e bele rekolla reseita ho di’ak.
Fahe ba Sosial Media:
