Díli, 11/07/2023, Prezidente Komisaun Ezekutiva BTL, E.P, Eng. Carlos Peloi dos Reis, Akompaña Vise-Prezidente Komisaun Ezekutiva BTL, E.P ba Asuntu Boa Governasaun no Fortalesimentu Institusional, Diretór Diresaun Engeñaria no Investimentu, Diretór Diresaun Administrasaun no Finanças, simu vizita kortezia husi Ekipa Kompañia PT Multi Gala Nusantara, ne’ebé hala’o salaun enkontru edifísiu BTL, E.P, Caicoli.
Objetivu husi hasoru malu ne’e, Kompañia PT Multi Gala Nusantara halo aprezentasaun kona-bá sira nia produtu rasik, liga ba kanalizasaun bee moos, material hirak ne’ebé kompañia ne’e halo promosaun ba BTL, E.P maka hanesan, Pipe, Liner Tank, Bomba.
Hafoin Ezekutivu no Direjente akompaña aprezentasaun ne’e, BTL, E.P apresia ho inisiativa husi kompañia PT Multi Gala Nusantara bele mai halo aprezentasaun ida ne’e, BTL, E.P konsidera katak material hirak ne’e disponivél faan iha merkadu.
Fahe ba Sosial Media:
