Díli, 29/05/2025, Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Tékniku, Sr. José Filipe Ximenes Smith, Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Korporativu, Sr. Manuel Tomás Amaral de Carvalho, Jestór DAK, Reprezentante SEEAS no DNRAS, hala’o atividade diseminasaun kona-bá Dekretu Lei no Diploma Ministeriál, ne’ebé realiza iha Aldeia Aldea Alto PM, Suku suku Maskarinas.
Objetivu husi diseminasaun ne’e, atu partilla regras BTL, E.P, liu-liu kona-bá dekreitu lei no diploma ministeriál, hanesan dekreitu lei nú. 41/2020 de 25 setembru, kona-ba kriasaun Bee Timor-Leste Empreza Públika, dekreitu lei nú. 4/2004 de 11 fevereiru, kona-bá aprova rejime fornesimentu bee ba konsumu públiku, diploma ministeriál nú. 1/2004 de 11 fevereiru, kona-bá Tabela Tarifária no diploma ministerial nú. 1/2009 de 5 outobru, Fiskalizasaun Sistema Abastesimentu Bee.
Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Korporativu, Sr. Manuel Tomás Amaral de Carvalho hatete, sosiliazasaun ida ne’e, fahe informasaun ba komunidade sira, atu bele iha koñesimentu, nune’e ekipa tékniku operadór sira sei mai halo melloramentu ba sistema bee moos iha área ida ne’e, bele kolabora hodi monta metru kontadór abitante sira nia rezidénsia.
“Ohin ne’e ita halo sosializasaun, atu monta metru kontadór ba komunidade nia uma, nune’e fasilmente komunika no kontrola malu. Vise-Prezidente esplika kompara aqua kiik ne’e folin sei boot liu 1000 litru, tamba aqua kiik presu $ 0,25 sentavus, enkuantu 0,20 sentavus ne’e bee ho 1000 litru, inan no aman sira jere di’ak, entaun fulan ida bele gastu $ 2.00 dollar to’o $ 3.00 dollar”.
Vise-Prezidente Komisaun Ezekutiva Bee Timor-Leste, Empreza Públika (BTL, E.P), ba Asuntu Tékniku, Sr. José Filipe Ximenes Smith, husu ba partisipante sira, atu labele halo pratika ligasaun bee ilegál, ne’ebé la tuir padraun tékniku no mos komunidade sira hotu-hotu atu asesu ba bee ne’e, tenki iha konsiesia rasik, hodi labele utiliza bomba eletrika hodi supa bee hosi kanalizasaun.
Sosializasaun ne’e, kliente uma kain hamutuk 259 maka partisipa hodi rona informaun no regra sira oinsa bele sai kliente ba BTL, E.P. Uma kain 259 ne’e, foin uma kain hamtuk 20 maka rejistradu iha BTL, E.P, no mos komunidade sira seluk hafoin rona informasaun ne’e, bele hakat ba edifísiu BTL, E.P, hodi halo reijstu ligasaun bee nian.
Fahe ba Sosial Media:
