Díli, 04/07/2025, Vise-Prezidente Komisaun Ezekutiva (KE) Bee Timor-Leste Empreza Públika (BTL, E.P) ba Asuntu Tékniku, José Filipe Ximenes Smith, Diretór O&M, Aleixo dos Santos, Jestór DAK, Ofisiál Legál BTL, E.P ho ekipa hamutuk ho DNRAS, realiza atividade sosializasaun kona-bá Dekretu Lei no Diploma Ministeriál, ba abitante sira iha aldeia Depósito Penal, suku Lahane Oriental, postu-administrativu Nain Feto, munisípiu Díli.
Iha atividade sosializasaun ne’e, BTL, E.P partilla informasaun ba abitante sira, liga ba regulamentu ne’ebé abrigu iha Dekretu Lei nú. 41/2020 loron 25 fulan Setembru ne’ebé ko’alia kona-bá “Kriasaun Bee Timor-Leste, Empreza Públika (BTL, E.P), Dekretu Lei nú. 4/2004 loron 11 fulan Fevereiru, kona-bá “Aprova Rejime Fornesimentu Bee ba Konsumu Públiku”, nune’e mos Diploma Ministeriál nú. 1/2004 loron 11 fulan Fevereiru ne’ebé ko’alia kona-bá “Tabela Tarifária” no ikus liu Diploma Ministeriál nú. 1/2009 loron 5 fulan Outubru, kona-bá “Fiskalizasaun Sistema Abastesimentu Bee”. Atu nune’e abitante sira bele entende didi’ak regras BTL, E.P nian, liu-liu kona-bá oinsá atu selu tarifa bee, proibisaun ba koneksaun ilegál, labele estraga fasilidade públika nomos oinsá atu halo ligasaun foun.
Xefe aldeia Depósito Penal agradese ba BTL, E.P tanba ohin bele to’o iha sira-nia aldeia, hodi fahe informasaun ba abitante sira iha aldeia referida. Lideransa Komunitária ne’e husu ba abitante sira ne’ebé partisipa iha atividade sosializasaun ne’e, atu kumpri regras sira ne’ebé mak ohin rona hosi BTL, E.P.
Partisipa iha atividade diseminasaun ne’e, xefe aldeia Temporal, parte seguransa PNTL xefe aldeia Depósito Penal no abitante
Fahe ba Sosial Media:
