Covalima, 11/10/2022, Tékniku Operadór (T.O) Bee Timor-Leste, Empreza Públika (BTL, E.P), munisípiu Covalima hadi'a ou konstroi moru protesaun, ne'ebé monu, iha rezervatóriu Santa Rosa, lokaliza iha aldeia Tabaco Lot, suku Debos, postu-administrativu Suai, munisípiu Covalima.
Konstrusaun moru protesaun ne'e, hodi asegura rezervatóriu no válvula atu ema ne'ebé la'ós tékniku BTL, E.P nian nomos animal sira labele tama ba fatin ne'e.
Teknik Operadór sira deside konstroi moru protesaun ne'e, atu evita ema deskoñesidu labele tama ba fatin rezervatóriu hodi loke no taka válvula tuir sira-nia hakarak, eseptu tékniku sira de'it mak bele tama hodi halo operasaun ba válvula no halo kontrolu ba bee iha rezervatóriu refere.
Fahe ba Sosial Media:
