Covalima, 22/11/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Covalima, hadi’a metru kontadór ne’ebé aat, iha bairo Kunain, munisípiu Covalima.
Tuir informasaun hosi BTL, E.P Covalima katak, metru kontadór hamutuk unidade tolu ne’ebé instala ona iha kliente sira-nia uma mak aat, nune’e prejudika abitante sira ne’e labele asesu bee, nune’e orienta tékniku sira tun ba terrenu hodi mellora metru kontadór hirak ne’e.
“Bazeia ba monitorizasaun hosi tékniku operadór sira nian iha terrenu no sira identifika katak metru kontadór aat tamba intupidu, nune’e bee la sai nune’e mos komunidade sira hato’o mai ami, nune’e hodi orienta tekniku sira ba hadi’a”, dehan Koordenadór.
Koordenadór BTL, E.P Covalima informa, hafoin melloramentu, komunidade sira ne’ebé antes ne’e, la asesu bee, bele asesu hikas ona bee moos hanesan baibain.
BTL, E.P mos kontinua husu ba kliente sira, atu nafatin tau matan ou kuidadu sistema bee ne’ebé mak instala ona iha ida-idak nia hela fatin, nune’e bele utiliza to’o tempu naruk.
Fahe ba Sosial Media:
