Manufahi, 15/12/2023. Ekipa Bee Timor-Leste Empreza Públika (BTL, EP) ne'ebé destakadu iha munisípiu Manufahi ohin, akompaña Project Management Unit-PMU hosi Ministério Obras Públika/BTL, E.P no kompañia sira hala'o site visit ba fatin konstrusaun tanke rezervatóriu no sentina públiku, iha munisípiu Manufahi.
Objetivu hosi site visit ne'e, hodi observa direta fatin fatin ne'ebé planea ona atu konstroi tanke rezervatóriu bee moos no sentina públiku sira.
Tuir planu, iha tempu badak, sei halo melloramentu ba sistema bee no sei konstroi tan tanke rezervatóriu hitu (7) hodi apoia sistema ezistente sira, nune'e hodi bele responde ba abitante sira nia preokupasaun kona-bá bee moos.
Tuir relatu hosi terrenu katak, tanke rezervatóriu hitu ne'e sei harii iha Babulo, Letefoho, Tomnamo, Holarua no Akadiruhun nomos sentina públiku tolu, ne'ebé sei konstroi iha sede Babulo nian, ida iha sede suku Letefoho no sede suku Holarua.
Fahe ba Sosial Media:
