𝐃𝐢́𝐥𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚 𝟐𝟑 𝐒𝐞𝐭𝐞𝐦𝐛𝐫𝐮 𝟐𝟎𝟐𝟔
Prezidente Komisaun Ezekutiva (KE) BTL, E.P, Gustavo da Cruz, akompaña S.E Ministru Obras Públikas (MOP), Samuel Marçal, hamutuk ho liña ministeriál relevante sira seluk, hala’o audiénsia públika ho Komisaun A ne’ebé trata asuntu Konstitusionál no Justisa, iha sala konferénsia Parlamentu Nasionál (PN), kona-bá Alterasaun datoluk ba Lei nú.9/2011, loron 17 fulan agostu, ne’ebé aprova Orgánika Kámara Kontas hosi Tribunál Superiór Administrativu, Fiskál no Kontas. (𝑇𝑒𝑟𝑐𝑒𝑖𝑟𝑎 𝑎𝑙𝑡𝑒𝑟𝑎𝑐̧𝑎̃𝑜 𝑎̀ 𝑙𝑒𝑖 𝑛.º 9/2011, 𝑑𝑒 17 𝑑𝑒 𝑎𝑔𝑜𝑠𝑡𝑜, 𝑞𝑢𝑒 𝑎𝑝𝑟𝑜𝑣𝑎 𝑎 𝑜𝑟𝑔𝑎̂𝑛𝑖𝑐𝑎 𝑑𝑎 𝑐𝑎̂𝑚𝑎𝑟𝑎 𝑑𝑒 𝑐𝑜𝑛𝑡𝑎𝑠 𝑑𝑜 𝑇𝑟𝑖𝑏𝑢𝑛𝑎𝑙 𝑆𝑢𝑝𝑒𝑟𝑖𝑜𝑟 𝐴𝑑𝑚𝑖𝑛𝑖𝑠𝑡𝑟𝑎𝑡𝑖𝑣𝑜, 𝑓𝑖𝑠𝑐𝑎𝑙 𝑒 𝑑𝑒 𝑐𝑜𝑛𝑡𝑎𝑠).
Audiénsia Públika ohin, Komisaun A hala’o ho Ministériu Obras Públikas (MOP), Ministériu Finansas (MF), Ministériu Justisa (MJ), Ministériu Petróleu no Rekursu Naturais (MPRN), Ministériu Planeamentu no Investimentu Estratéjiku (MPIE), Vise-Ministru Asuntus Parlamentares (VMAP). Diretór-Jerál no Diretora inklui Prezidente hosi Ajénsia Autónoma sira ne’ebé tuteladu.
Fahe ba Sosial Media:
