Ainaro, 24/11/2022, Ekipa Bee Timor-Leste, Empreza Públika (BTL, E.P munisípiu Ainaro ho Plan International Timor-Leste sorumutu ho komunidade uma kain 56, iha bairo Monabol, suku Casa, postu-administrativu Ainaro Villa, munisípiu Ainaro.
Sorumutu ne’e ho objetivu, hodi halo ou prepara Planu Asaun Komunidade (PAK), atu kanaliza bee moos ba bairo Monabol ne’ebé hetan apoiu hosi parseiru Plan International Ainaro.
Entidade ne’ebé partisipa iha enkontru ne’e mak, Administradór postu-administrativu Ainaro, Koordenadór Plan International, Koordenadór Plataforma Nasionál Bee Saneamentu no Ijiéne Timor-Leste (PN-BESI-TL), Ofisiál Polísia Suku (OPS) iha suku Casa, Autoridade Lokál no komunidade ou benefisiáriu sira.
BTL, E.P munisípiu Ainaro planea sei apoia mos planu ne’e, liuhosi forma estrutura Grupu Maneja Fasilidade (GMF) iha suku refere, nune’e, wainhira kanalizasaun sistema bee remata ou prontu ona, sira mak sei jere sistema bee refere, hodi garante abastesimentu bee ba komunidade sira iha suku Monabol.
Fahe ba Sosial Media:
