Aileu, 17/10/2022, Tékniku Operadór (T.O) Bee Timor-Leste, Empreza Públika (BTL, E.P) munisípiu Aileu halo manutensaun ba kanu transmisaun to’o iha rezervatóriu, ne’ebé lokaliza iha aldeia Fatubossa, munisípiu Aileu.
Tuir informasaun hosi BTL, E.P Aileu katak, EBF Daisoli mak durante asesu bee hosi rezervatóriu iha Fatubossa, maibé durante loron hirak nia laran, distribuisaun bee la to’o ba iha eskola no igreja, nune’e parte eskola hato’o bai ha BTL, E.P Aileu, hodi rezolve kestaun ne’e.
Hafoin hetan informasaun kona-bá problema ne’e, Koordenadór BTL, E.P Aileu orienta kedas tékniku operadór sira hodi identifika, nune’e bele halo intervensaun. Durante iha terrenu, tékniku sira konsege identifika kanu transmisaun kotu, tamba deskonfia ema deskoñesidu mak tesi kanu refere, nune’e difikulta distribuisaun bee labele to’o ba iha igreja no eskola.
Koordenadór BTL, E.P Aileu informa kanu transmisaun ne’ebé deskonfia ema tesi kotu ne’e, presiza tempu semana ida, hodi normaliza estragu refere no dadaun ne’e tékniku operadór hamutuk ho enjeñeiru sira halo ona levantamentu tékniku, maibé sei hein materiál hosi nasionál hodi halo normalizasaun ba liña transmisaun ne’e.
Fahe ba Sosial Media:
