Viqueque, 04/01/2023, Ekipa konjunta ne’ebé kompostu hosi Tékniku Operadór (TO) Bee Timor-Leste, Empreza Públika (BTL, E.P) munisípiu Viqueque no Tékniku (SMASA) halo manutensaun ba kanu distribuisaun bee ne’ebé mota sobu, iha fulan dezembru tinan kotuk, iha Welabeti, aldeia Lamak-Laran, postu-administrativu Viqueque Villa, munisípiu Viqueque.
Tuir informasaun hosi Terrenu katak, ekipa konjunta ne’e, konsege monta ona kabudias foun, hodi tara liña distribuisaun ne’ebé mota sobu ne’e, hodi garante bee ba komunidade sira, ne’ebé durante ne’e, asesu bee hosi kanu distribuisaun refere.
Koordenadór BTL, E.P Viqueque informa, ekipa BTL, E.P no SMASA konsege rezolve liña distribuisaun refere, tanba hafoin halo tiha manutensaun, sirkulasaun bee liuhosi kanu distribuisaun ne’e la’o normál no tékniku sira bele ona fornese hikas bee ba komunidade sira iha fatin ne’e.
Fahe ba Sosial Media:
