Díli, 19/03/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Sr. Gustavo da Cruz, akompaña hosi ekipa PMU/MOP/BTL, E.P partisipa iha enkontru téknika ba renegosiasaun akordu empréstimu hosi (Asian Development Bank-ADB), Reuniaun ne’e realiza iha sala reuniaun eskritóriu ADB, Farol.
Refere ba desizaun Konsellu Ministrus nian, iha loron 11 fulan dezembru tinan 2024, liga ba atu negósia fila-fali (renegosiasaun) akordu empréstimu sira hosi ADB no ho aprovasaun hosi Ministra Finansas mak ADB propoin atu realiza enkontru téknika entre ekipa téknika hosi governu ho ADB.
Ho nune’e ohin, realiza enkontru téknika ne’e, hanesan oportunidade ida, hodi halo revizaun ba prosesu alterasaun proposta sira no atu garante katak, ajustamentu hotu-hotu halo tuir tempu no efisiente, ho hanoin ida katak konkluzaun projetu ne’ebé prevista no data determinasaun akordu empréstimu.
Reuniaun ne’e organiza hosi ADB no partisipa hosi parte Ministériu Finansas (MF), Ministériu Obras Públikas (MOP), BTL, E.P, EDTL, E.P no partisipante sira seluk.
Fahe ba Sosial Media:
