Díli, 16/10/2023, Vise-Prezidente Komisaun Ezekutiva Bee Timor-Leste, Empreza Públika (BTL, E.P) ba Asuntu Sistema Bee, Saneamentu no Drenajen, Sr. Gustavo da Cruz akompaña S.E Ministru Obras Públikas (MOP), Sr. Samuel Marçal, partisipa iha selebrasaun Loron Aihan Mundiál, ho tema internasionál “Water is Life. Water is Food.Leave no one Behind” (Bee ba Moris. Bee mak Aihan. La husik Ema ida iha Kotuk), ne’ebé realiza iha CDD, Díli.
Iha ámbitu selebrasaun Loron Aihan Mundiál ne’e, Vise-Prezidente KE BTL, E.P ba Asuntu Sistema Bee, Saneamentu no Drenajen hamutuk ho S.E MOP halo aprezentasaun kona-bá “Polítika Bee iha Timor-Leste”.
Alende ne’e, iha mos aprezentasaun hosi painelista sira seluk hosi Ministériu relevante sira ne’ebé mak tutela iha KONSSANTIL (Konsellu Nasionál Seguransa Aihan no Nutrisaun Timor-Leste) inklui NGO PERMATIL ho asuntu ou tópiku ne’ebé diferente.
Iha selebrasaun ne’e, lansa mos relatóriu Timor-Leste nian kona-bá Análiza Kustu Aihan (Atualizasaun 2023) no kompetisaun kulinária.
Partisipa iha selebrasaun ne’e mak, Vise-Primeiru-Ministru, Ministru Koordenadór ba Asuntu Sosiais no Ministru Dezenvolvimentu Rurál no Abitasaun Komunitária, Ministru Agrikultura, Pekuária, Peskas no Florestas ho ekipa, reprezentante Ministériu Saúde no UNRC/UN World Food Programme (WFP), universitáriu no konvidadu sira seluk.
Fahe ba Sosial Media:
