Díli, 30/06/2025. Jestór Legál no tékniku operadór Bee Timor-Leste, Empreza Públika (BTL, E.P) akompaña ekipa PNTL hosi Departamentu Investigasaun Kriminál no Forensik Nasionál hosi Diresaun Servisu Investigasaun Kriminál (DSIK) hala’o vizita ba estasaun sistema bomba Tuana-Laran.
Vizita ne’e, hodi ezamina fila-fali (re-ezamina) lokál krime ne’ebé antes ne’e akontese iha loron 04 fulan juñu tinan 2025 ne’e, iha estasaun sistema bomba Tuana-Laran, ne’ebé lokaliza iha suku Villa-Verde, postu-administrativu Vera Cruz, munisípiu Díli, hodi rezulta breaker painel kontrolu bomba nian lakon.
Atividade re-ezaminasaun iha estasaun bomba ne’e, hetan mos akompañamentu hosi Lideransa Komunitária hanesan xefe aldeia Mutua, Konsellu Polisiamentu Komunitária (KPK) no delegada aldeia nian
Fahe ba Sosial Media:
