Díli, 06/10/2023. Hafoin remata atividade monitorizasaun iha intake Bemos, Diretór Operasaun no Manutensaun (DOM) Bee Timor-Leste Empreza Públika (BTL, E.P) ho ekipa hamutuk ho ekipa parseiru Japan International Cooperation Agency-JICA kontinua vizita Water Treatment Plant-WTP Bemos.
Vizita ne'e, hodi akompaña no observa direta ekipa BTL, EP no estajiáriu UNTL nian halo servisu instalasaun bomba koagulasaun iha WTP Bemos nian.
Enkuantu bomba koagulasaun ne'e apoia hosi JICA, hamutuk unidade haat, hodi instala ba iha WTP Bemos. Nune'e horseik tékniku ho estajiáriu sira konsege instala hotu kedas bomba hirak ne'e, iha WTP refere, atu bele halo tratamentu ba bee moos, molok distribui ba konsumidór sira.
Fahe ba Sosial Media:
