Díli, 02/04/2024, Prezidente Komisaun Ezekutiva BTL, E.P, Eng. Carlos Peloi dos Reis, simu audénsia ho Ekipa Fundu Espesiál ba Dezenvolvimentu Ataúro, hodi ko’alia kona-bá infraestutura setór bee no saneamentu iha Ataúro, reuniaun ne’e hala’o iha Salaun Ezekutivu BTL, E.P, Caicoli.
Iha audénsia ne’e, Adjuntu Diretór ba Asuntu Projetu FEDA, Adão Soares hatete, asuntu rua maka ami relata iha enkontru ne’e, dá-huluk ekipa FEDA komprementa festa paskoa ba Ezekutiva BTL, E.P no intriduz mos katak, Fundu Espesiál ba Dezenvolvimentu Ataúro, nu’udar instituisaun Estadu ida, eziste iha Ataúro, hakarak servisu hamutuk ho BTL, E.P, atu bele dezenvolve setór bee no saneamentu ba populasaun sira.
Iha biban ne’e, FEDA konfirma BTL, E.P nia planu preoridade ba 2025 nian, bele asesu ba FEDA, hodi apoia ba BTL, E.P, atu kanaliza bee ba abitante sira, hodi responde ba populasaun sira nia preokupasaun liga ba bee no saneamentu.
Iha enkontru ne’e, Prezidente KE BTL, E.P mos informa katak, sei orienta engeñeru atu bele ba terrenu hodi identifika bee matan no halo levantamentu dadus.
Fahe ba Sosial Media:
