Díli, 10/05/2023. -Vise-Prezidente Komisaun Ezekutiva (KE) Bee Timor-Leste, Empreza Públika (BTL, E.P), ba Asuntu Sistema Bee, Saneamentu no Drenajen, Sr. Gustavo da Cruz akompaña hosi Diretór Diresaun Enjeñaria no Investimentu (DEI), Sr. João Baptista da Cruz Cardoso, Jestór RP & GIS no Jestór DCQA, Jestór SOM Interinu, Jestór Legál ho ekipa hamutuk ho Diretór Ezekutivu Nasionál Compact Development Team, Timor-Leste (CDTL-TL), Embaixadór Constâncio Pinto ho ekipa, enkontru ho ekipa hosi Grupu Tékniku Interministeriál (GTI). No reunaiun ne’e, lidera hosi Diretór-Jerál Terras no Propriedades (DJTP), Ministériu Justisa (MJ), Sr. Lucas António da Costa, iha sala reuniaun, Bebora, Díli.
Reuniaun ne’e, hodi koordena entre ministériu hirak ne’ebé hola parte iha Grupu Tékniku Interministeriál (GTI) hodi prepara ba negosiasaun ho komunidade afetada hosi projetu (Waste Water Treatment Plant-WWTP) ou Estasaun Tratamentu Bee Foer (ETAR, sigla portugés) iha Bebonuk.
Projetu refere liu ona prosesu lubuk ida, hanesan publikasaun, simu ona reklamasaun sira hosi komunidade afetada no akumula ona iha relatóriu no dadaun ne’e, atu hakat ba faze negosiasaun nian, molok hakat ba faze DED.
Enkuantu projetu Sistema Tratamentu Bee Foer (Waste Water Treatment Plant-WWTP) iha Bebonuk, ne’e finansia hosi Millennium Challenge Corporation-MCC.
Partisipa iha enkontru koordenasaun ne’e, mai hosi tékniku DNE-MOP, MAP, DNPCC-MI, DNTP-MJ, DNECC-MJ, CDT-TL no BTL, E.P rasik.
Fahe ba Sosial Media:
