Díli, 04/12/2025. Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz enkontru ho Jerente Água de Portugál Internasionál iha Timor-Leste, Mário Santos, iha Prezidente nia knaar fatin, BTL, E.P, Caicoli.
Reuniaun ne’e, hodi atualiza preparativu sira ba realizasaun akordu kooperasaun, entre Governu Timor-Leste (TL) ho Governu Portugués, iha área infraestrutura nian, liu-liu kona-bá bee no saneamentu. tanba daudaun ne’e sei prepara no mellora rekezitu balun ne’ebé presiza atu kompleta, molok hakat ba faze selebrasaun akordu nian.
Iha enkontru ne’e parte rua (BTL, E.P & AdP) destake mos kona-bá prosesu ba investimentu hirak ne’ebé mak sei implementa iha tinan oin, liu-liu projetu estratejia iha Munisípiu Baucau, Díli nomos planu dezeñu detalladu (DED) ba intake Comoro II no Fatisi.
Iha biban ne’e, Jerente AdP mai hato’o mos felisitasaun natal no tinan foun nian ba Ezekutivu BTL, E.P, molok desloka bá Tailándia no Portugal
Fahe ba Sosial Media:
