Díli, 12/04/2024. Jestora Rekursu Umanu, Bee Timor-Leste Empreza Públika (BTL, E.P), Joaquina da Fonseca akompaña hosi ofisiál Seniór Rekursu Umanu no Administrasaun, enkontru ho ekipa hosi UN Women no JU,S iha sala reunaiuan, edifísiu sentrál BTL, E.P, Caicoli, Díli.
Sorumutu ne’e hanesan kontinuasaun hosi kooperasaun servisu ne’ebé antes ne’e realiza ona no ohin hanesan enkontru dahuluk, hodi koordena servisu inklui foti informasaun balun hosi BTL, E.P, nune’e atu prepara assessment plan ou planu avaliasaun antes elabora polítika Violénsia Bazeia ba Jéneru (VBJ) ou Asédiu Sexuál (AS), iha servisu fatin hodi ajusta bazeia ba lei no regulamentu ne’ebé aplika iha rejimentu BTL, E.P.
Alen de ne’e, ohin parte rua define mos servisu sira ne'ebé hosi parte BTL, E.P sei halo no informasaun saida mak bele fornese, nune’e mos parte UN Women no JU,S rasik. Tuir planu sei iha tan enkontru tuir mai, nune’e bele deskute kle’an liu tan asaun sira, relasiona ho planu servisu ne’ebé define ona iha akordu/MoU.
Fahe ba Sosial Media:
