๐๐๐ฅ๐๐ข๐, ๐๐ฬ๐๐๐๐ฎ ๐๐ ๐๐๐ญ๐๐ฆ๐๐ซ๐ฎ ๐๐๐๐
Prezidente Komisaun Ezekutiva (KE) Bee Timor-Leste, Empreza Públika (BTL, E.P), Gustavo da Cruz, Vise-Prezidente KE BTL, E.P ba Asuntu Tékniku, José Filipe Ximenes Smith no Vise-Prezidente KE BTL, E.P ba Korporativu, Manuel Tomás Amaral de Carvalho, Diretór DEI, Diretór DOM ho ekipa hamutuk ho Ministru Obras Públikas (MOP), Samuel Marçal, Sekretáriu Estadu Eletrisidade, Bee no Saneamentu (SEEAS, sigla potugés), Santos Noronha ho komitiva akompañadu hosi Prezidente Autoridade Munisípiu (PAM) Manatuto, Administradór Postu-Administrativu (APA) Laleia no komunidade Laleia, ofisialmente inaugura projetu konstrusaun sistema fornesimentu bee moos no selebrasaun aniversáriu ezisténsia BTL, E.P nian ba dala-VI, iha Postu-administrativu Laleia, munisípiu Manatuto ho tema " ๐๐๐๐๐ฬ ๐๐๐ฃ๐ข โ๐ ๐ต๐๐ ๐๐๐๐ ".
Iha intervensaun, Ministru Obras Públikas (MOP), Samuel Marçal destake importánsia bee moos ba ema nia moris no saúde, wainhira laiha bee fó impaktu boot ba saúde públika no moris loron-loron nian.
"๐๐๐๐โ๐๐๐ ๐๐๐ ๐๐'๐ ๐๐ ๐โ๐, ๐๐๐๐ ๐๐๐๐ ๐๐๐๐๐ , ๐๐๐ ๐๐ ๐๐๐๐๐๐ ๐๐๐ ๐๐๐๐ ๐๐๐๐ ๐๐๐๐๐ ๐๐ ๐๐ก๐ ๐๐ ๐๐ก๐ ๐๐๐ ๐๐๐ ๐๐ข๐๐๐๐ข ๐๐๐๐ก๐ ๐๐๐, ๐๐ ๐๐ ๐๐ ๐๐'๐๐, ๐ ๐๐ขฬ๐๐ ๐๐ ๐๐'๐๐, ๐๐๐ก๐๐ข๐ ๐๐๐ ๐๐'๐ ๐๐๐๐๐๐ก๐๐๐ก๐ ๐ก๐๐-๐ก๐๐๐๐ ".
Ministru mos esplika kona-bá importánsia selu tarifa bee la'ós atu halo ki’ak povu, maibé selu ne’e atu hatene oinsá hodi poupa bee katak, gasta bee tuir nesesidade, dala barak ema loke bee suli estraga, nune’e bee la to’o, signifika la konsege jere bee no ema balun uza sanyo hodi dada/xupa hotu bee, hodi ema seluk labele hetan bee, balun sobu kanu, ida ne’e mak problema ne’ebé durante ne'e eziste, tanba ne’e ema hotu-hotu tenke iha konsiénsia hodi halo jestaun ba bee moos.
Atu konklui, Ministru Obras Públika apresia tebes ba Prezidente BTL, E.P ho estrutura tomak nomos tékniku no enjeñeiru sira-nia servisu ne’ebé bele halo dezeñu hodi implementa projetu bee iha PA no Munisípiu sira, rezultadu mak projetu sistema bee moos balun inaugura no fornese ona ba populasaun sira. Tanba ne’e, MOP husu atu kontinua obra sira, nune’e povu bele sai hosi susar ba infraestrutura bázika sira.
Iha intervensaun SEEAS hatete, bee ne’ebé atu konsumu limite tebes-tebes, tanba ne’e presiza jestaun ida ne’ebé di’ak, hodi jere rekursu bee ne’ebé mak iha. Ho nune’e Governu kria empreza públika ida (BTL, E.P) hodi halo jestaun ba bee.
Alen de iha mos parseiru nasionál no internasionál sira ne’ebé halo servisu kona-bá bee, maske iha parseiru barak mak haree no ezerse servisu iha bee nian, maibé la garante nia sustentabilidade, tanba la preve osan ba manutensaun nian, nune’e sistema estraga, afeta ba distribuisaun bee moos ba komuninidade sira. Hanesan Governu la haree de’it ba ekonómiku, maibé haree mos ba aspeitu sosiál nian. katak bee ne’ebé mak kanalizasaun ba uma kain sira bele prega tarifa bee nian, maibé iha situasaun balun presiza apoia populasaun sira liuhosi konstrusaun tanke rezervatóriu jerál ida, hodi tulun komunidade sira ne’ebé labele/laiha kbiit atu sosa bee, sir abele asesu iha tanke jerál ne’e.
Iha ámbitu seremónia inaugurasaun ne’e, Prezidente KE BTL, E.P hatete, ohin BTL, E.P kompleta ezisténsia tinan neen no BTL, E.P sei esforsu ho meius hotu, atu bele mellora servisu, nune’e responde ba nesesidade bázika ne'e iha territóriu tuir kapasidade finanseira, maibé bazeia ba planu negósiu BTL,E.P nian, BTL, E.P sei foku uluk ba iha kapitál Postu-administrativu sira.
Ezekutivu BTL, E.P akresenta, komemorasaun aniversáriu BTL, E.P nian tinan ne’e, espesialmente realiza iha Laleia, tanba atu selebra hamutuk ho komunidade no selebra iha konsumidór sira-nia leet, atu fo hanoin katak bee ne'e importante duni ba ema nia moris, liu-liu ba konsumidór sira iha postu Laleia hamutuk uma-kain 450 ho nia populasaun 2700 ne'ebé oras ne'e, bele asesu bee moos direta iha uma no kompleta ho metru kontadór.
Prezidente BTL, E.P hato'o parabéns ba kompañia implementadór ne'ebé nudár Laleia oan, tanba bele finaliza ona projetu tuir tempu, hodi fornese bee moos ba komunidade Laleia no povu sira bele sente ona dezenvolvimentu iha sira-nia Postu. Ho selebrasaun ohin, atu relembra katak governu investe ona orsamentu ba iha sistema ne'e, husu atu populasaun sira atu kuida sistema refere, hodi bele utiliza ba longu prazu, nune’e hodi fó biban ba BTL, E.P atu halo intervensaun ou mellora sistema kanalizasaun bee iha Postu no Munisípiu sira seluk.
Ezekutivu BTL, E.P informa mos, daudaun ne’e, BTL, E.P promove hela projetu sistema bee moos iha Postu-administrativu sira iha Munisípiu seluk, enkuantu iha Munisípiu Manatuto nian mak implementa iha PA Laclo no Laclubar, enkuantu Laleia nian ohin inaugura no bele fornese regulár ba populasaun sira.
BTL, E.P mos destake esperansa katak, ho kooperasaun servisu entre parte hotu-hotu, tantu hosi Governu sentrál, Autoridade Lokál, Lideransa Komunitária, Veteranu no komunidade sira, bele kore ki’ak no mukit hosi bee ho saneamentu iha nasaun ne’e.
Iha oportunu ne'e, Ezekutivu BTL, E.P hato'o agradesimentu ba Ministru ho membru governu nomos parte hotu-hotu ne'ebé mak ohin marka prezensa iha seremónia inaugurasaun projetu sistema bee moos no komemorasaun ezisténsia BTL, E.P nian ba dala-VI iha Laleia.
PAM Manatuto, reprezenta APA Laleia, Lideransa Komunitária no komunidade PA Laleia hato’o gradesimentu kle’an tanba la’os de’it atu inaugura sistema bee iha Laleia, maibé bele hili Postu refere hodi komemora aniversáriu BTL, E.P nian ba dala-VI.
Alen de, hato’o liafuan bem-vindu no agradesimentu, iha biban ne’e, PAM Manatuto informa mos problema bee ne’ebé Munisípiu ne’e enfrenta, liu-liu ligadu ho kestaun rekursu bee no manutensaun ba sistema ezistente sira. Tanba Munisípiu laiha kbiit atu halo manutensaun ba sistema bee sira, tanba ne’e husu BTL, E.P atu apoia no halo intervensaun ba kanalizasaun bee ne’ebé avaria. Hatan ba kestaun ne’e Prezidente hatete, BTL, E.P anota no sei koordena ho EDTL, E.P hodi halo intervensaun imediatu ba trafo eletrisidade nian hodi konekta ba sistema bee, nune’e bele funsiona fila-fali.
Investimentu sistema bee iha PA Laleia, fahe ba pakote tolu. Pakote dahuluk mak projetu melloramentu sistema fornesimentu bee moos, implementa hosi kompañia Reza Construction Unip Lda ho kustu totál $565,203.55. No projetu pakote ๐ ๐ข๐๐๐๐ฆ & ๐๐๐ ๐ก๐๐๐๐๐ก๐๐๐ ๐๐๐๐๐๐๐๐๐๐๐ก๐๐ ๐๐๐๐๐ ๐ก๐๐๐ ezekuta hosi kompañia Glariato Unip Lda, ho orsamentu hamutuk $ 138,333.75. Enkuantu kompañia H2O Pump and Power Unip Lda kaer obra perfurasaun bee moos ho totál fundu $ 61,320.25.
Rekursu bee ne’ebé sei fornese ba konsumidór sira hosi bee rai okos (perfurasaun) ho kapasidade 20 L/s, instalasaun kanu transmisaun hamutuk kilómetru 1,7 (1,7km) no kanu distribuisaun kilómetru 19,3 (19,3km) nomos instalasaun tanke rezervatóriu unidade tolu ho nia kapasidade 409³ ida, unidade rua ho kapasidade 48m³, kompleta ho lutu protesaun 15x15m no 9x9m, inklui halo koneksaun ba uma kain 400-resin, kompleta ho metru kontadór unidade 400-resin.
Sistema bee moos ne'e sei kobre ba zona 4 no aldeia neen iha suku Haturalan no Lifau, sei benefisia uma kain 450 ho totál populasaun 2.700 inklui sei fornese mos bee ba instituisaun Estadu nian hanesan, edifísiu administrasaun, sentru saúde, eskola, igreja, postu PNTL Eskuadra PA Laleia.
Partisipa iha sereoónia inaugurasaun no komemorasaun aniversáriu ezisténsia BTL, E.P nian ne’e, Vise-Ministra Finansas, MOP, SEEAS, parseiru Grupu Banku Mundiál, JICA iha Timor-Leste, PAM Manatuto, Administradór PA Laleia, PNTL Munisípiu Manatuto no Eskuadra Postu Laleia, PN-BESI TL, DNRAS, IGEADE, I.P, Parte igreja, Koordenadór no Koordenadora Munisípiu sira, inklui funsionáriu BTL, E.P Nasionál no Munisipál, Komunidade Laleia nomos konvidadu relevante sira seluk.
Fahe ba Sosial Media:
