Díli, 25 Fevereiru 2026. Ekipa konjunta kompostu hosi Prezidente Komisaun Ezekutiva BTL, E.P, Gustavo da Cruz, akompaña hosi enjeñeiru DEI hamutuk ho Xefe Gabinete MOP ho ekipa no Sekretáriu Estadu Asuntu Toponímia no Organizasaun Urbana (SEATOU), observa direta drenajen ne'ebé intupidu, iha área Caicoli, loja 88 nian nomos Colmera.
Hafoin observasaun iha terrenu, ekipa konjunta koordena no orienta kedas tékniku no kompañia sira mobiliza ekipamentu pezadu, hodi halo intervensaun ou hamoos sedimentasaun sira iha kanál drenajen hirak ne’e, nune’e bee bele sulin ba tasi.
Durante iha terrenu, Ezekutivu BTL, E.P ho Xefe Gabinete MOP no enjeñeiru kontinua observa kanál drenajen iha Palásiu Governu nia oin no hosi area Palásiu nian, kontinua bá Caicoli no Colmera, hodi akompaña ekipa ne’ebé hamoos hela sedimentasaun hosi kanál drenajen iha kruzamentu Caicoli ba loja 88 nian hosi Caicoli tun ba diresaun Colmera no Porto Díli nian.
Fahe ba Sosial Media:
