Díli, 29/11/2023. Ekipa konjunta ne’ebé kompostu hosi Bee Timor-Leste, Empreza Públika (BTL, E.P), Grupu Tékniku Interministeriál-GTI ne’ebé mai hosi Ministériu relevante sira nomos Millennium Challenge Account Timor-Leste, Intitutu Públiku (MCA-TL, I.P) publika mapa, iha suku Moatel, Kampung Alor, Fatuhada no Madohi, kona-bá área ne’ebé identifikadu, sei kontroi Estasaun Bomba ba Sistema Saneamentu-EBSS nian, iha kapitál Díli.
Objetivu hosi publikasaun ne’e, hodi fó biban durante loron 90 ba komunidade afetada hosi konstrusaun refere, atu bele haree, halo konfirmasaun no bele halo reklamasaun, wainhira dadus hirak ne’e seidauk loos, molok hakat ba faze tuir mai.
Enkuantu fatin ne’ebé identifikadu hodi implementa estasaun bomba refere hamutuk neen, ne’ebé lokaliza iha suku haat, hanesan suku Motael, Kampung Alur, Fatuhada no Madohi.
Fahe ba Sosial Media:
