Manatuto, 20 Fevereiru 2026. Jestór Infraestrutura BTL, E.P ho ekipa DEI hamutuk ho Koordenadór BTL, E.P Munisípiu Manatuto monitoriza projetu melloramentu sistema fornesimentu bee moos, ne'ebé implementa hela iha Postu-adminitrativu Laclubar, Munisípiu Manatuto.
Atividade monitorizasaun ne'e, hodi observa direta progresu fíziku iha terrenu, nune'e bele garante kualidade obra ne'e rasik nomos atu hatene persentajen servisu hosi projetu referidu.
Bazeia ba rezultadu monitorizasaun nian, projetu fíziku atinji ona pursentu 32 (32%) no obra ne'e implementa hosi kompañia Mercy Unip, Lda.
Durante monitorizasaun iha terrenu, ekipa DEI BTL, E.P husu ba kompañia implementadór, atu aselera servisu fíziku, maibé tenke servisu tuir dezeñu ne'ebé mak iha ona, hodi garante nia kualidade, atu nune'e sistema refere bele dura ba tempu naruk.
Investimentu sistema bee ne'e, wainhira finaliza sei fornese bee moos ba populasaun sira iha PA Laclubar inklui fasilidade públika sira ne'ebé eziste iha Postu ne'e.
Fahe ba Sosial Media:
