𝐃𝐢́𝐥𝐢, 𝐓𝐞𝐫𝐬𝐚-𝐟𝐞𝐢𝐫𝐚 𝟐𝟑 𝐉𝐮𝐧̃𝐮 𝟐𝟎𝟐𝟔.
Prezidente Konsellu Administrasaun no Komisaun Ezekutiva BTL, E.P, Gustavo da Cruz ho Vise-Prezidente KA no KE ba Asuntu Tékniku, José Filipe Ximenes Smith no Vise-Prezidente KE ba Asuntu Korporativu, Manuel Tomás Amaral de Carvalho, akompaña hosi Diretór DEI no DOM, Jestór no Jestora inklui funsionáriu BTL, E.P nian, presta omenajen ikus ba Saudozu Eis-Prezidente Repúblika Demokrátika Timor-Leste (RDTL), Dr. Francisco Guterres Lú-Olo nomos hato’o sentidu kondolénsia ba família enlutada, iha rezidénsia Faról, Díli.
Omenajen ikus ne’e, reflete respeitu no rekoñesimentu ba dedikasaun ou kontribuisaun tomak saudozu Dr. Francisco Guterres Lú-Olo nian, ba luta libertasaun nasionál, konsolidasaun demokrátika no dezenvolvimentu Estadu Timor-Leste (TL).
Saudozu Eis-Prezidente Repúblika RDTL, Dr. Francisco Guterres Lú-Olo, moris iha Viqueque, iha loron 07 fulan setembru tinan 1954 no hakotu iis iha Malázia, iha loron 21 fulan juñu tinan 2026 ne’e.
Durante iha jornada moris, antes ne’e, Saudozu Dr. Francisco Guterres Lú-Olo, okupa kargu esensiál sira iha istória TL, nomeadamente nudár Prezidente Asembleia Konstituinte, Prezidente Parlamentu Nasionál no Prezidente Repúblika RDTL nian nomos Atuál Prezidente Partidu FRETILIN to’o remata peregrinasaun iha mundu.
Fahe ba Sosial Media:
