Covalima, 02/02/2023, Tékniku Opreadór (TO), hosi O&M, Bee Timor-Leste, Empreza Públika (BTL, E.P) munisípiu Covalima, halo manutensaun ba kanu transmisaun ne’ebé kotu iha aldeia Tabaco Lot, suku Debos, munisípiu Covalima.
Liña transmisaun ne’ebé kotu ne’e, perturba distribuisaun bee ba komunidade sira, nune’e iha kliente balun hato’o informasaun ne’e ba BTL, E.P, nune’e tékniku operadór BTL, E.P nian tun kedas ba terrenu, hodi halo haree kestaun ne’e no tékniku sira konsege identifika kanu refere kotu.
Ho nune’e tékniku operadór sira mobiliza kedas materiál hodi halo intervensaun ba estragus refere, atu nune’e bele garante hikas fornesimentu bee ba kliente sira.
BTL, E.P Covalima informa, hafoin servisu melloramentu, tékniku sira konsege normaliza liña transmisaun ne’e, sirkulasaun bee la’o normál fila-fali no tékniku sira bele distribui hikas bee ba konsumidór sira.
Fahe ba Sosial Media:
