Ermera, 10/10/2024, Prezidente Komisaun Ezekutiva BTL, E.P, Eng. Carlos Peloi dos Reis, Vise-Prezidente Komisaun Ezekutiva BTL, E.P, ba Asuntu Sistema Bee Saneamentu no Drenajen, Gustavo da Cruz, Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, Elizabeth Amaral, partisipa Sesaun Avaliasaun Relatóriu Ezekusaun I-III Trimestre Orsamentu Jerál Estadu 2024, ne’ebé hala’o iha Railaco.
Iha sesaun avaliasaun ne’e, halo aprezentasaun hosi Vise-Prezidente Komisaun Ezekutiva BTL, E.P, ba Asuntu Boa Governasaun no Fortalesimentu Institusional, kona-bá Ezekusaun Orsamentu Estadu 2024.
Iha abertura ne’e, S.E Ministru Obras Públikas, Samuel Marçal, husu ba Direjente EMpreza Públika no Institutu Públiku no Direjente diresaun sira, ne’ebé tutela ba Ministériu Obras Públikas, ho ispritu ida nasionalizmu no patriotizmu, servisu hamutuk, hodi lori nesesidade bazíku ne’e ba povu, liu hosi kontribuisaun atu dezenvolve nasaun ida ne’e.
“Jerasaun sira uluk luta ba rai ida ne’e, balun mate no hetan situasaun difisil, tamba hakarak nasaun ida ne’e hamrik mesak ka hetan independensia totalmente, ne’ebé ema rihun ba rihun lakon vida, tamba hakarak liberta rai ida ne’e. Tamba ne’e iha era ukun an ida ne’e, ita sira moris ne’e tenki hatutan no valoriza sira nia luta bao in, liu husi servisu makaas hodi hare povu nia nesesidade sira liga ba moris, hanesan bee moos, estrada no infrestutrura seluk”
Atividade ne’e, lidera direita hosi S.E Ministru Obras Públikas, Samuel Marçal, Diretór Jeral MOP, Diretór Diresaun, Kargu Xefia no mos Prezidente E.P no I.P.
Fahe ba Sosial Media:
